Islandimi præsidentimut qinersisoqarpoq: Oqaluttuarisaaneq pillugu professori Trumpimillu illersuisoq unammipput

Aapaata ataatsimoorneq oqariartuutigigaa aappaata præsidenti politikkimut attuumassuteqassanngitsoq qineqqusaarutigalugu

Qinigassanngortittup aappaata, Amerikami præsidentip Donal Trumpip coronavirusip pinaveersaartinneqarneranut suliniutaanik nersualaarinnippoq, Islandimilu nutaarsiassaqartitsiviit arlarleriarlugit saassuppaai eqqunngitsunik tusagassiisarnerarlugit.

Ajugasussatut ilimagineqarluinnartoq tassaavoq maanna præsidentiusoq Guðni Jóhannesson oqaluttuarisaaneq pillugu professori Reykjavikkimeersoq.

Guðni Jóhannesson partiimut arlaannaannullunnit atanani 2016-mi præsidentitumut qinigassanngortikami inuiaat katersuunnissaanik oqariartuuteqarpoq, taamani Islandimi aningaasarsiornikkut ajornartorsiornerup nalaani politikikkullu perulluliortoqarnerata nalaani qinigassanngortippoq,

ilaatigut taamanikkut ministeriunerusoq Sigmundur Davíd Gunnlaugsson akileraanngitsoortarsimasutut pasillerneqarluni Panamami pappialaatit pillugit tunuarmat.

Maanna Islandimi præsidentiusup G uðni Jóhannessonip unammertituaa tassaavoq niuertoq Guðmundur Franklín.

Taanna siusinnerusukkut New Yorkimi Wall Streetimi aktienik niuernermik suliaqartuuvoq kingornalu akunnittarfinnik suliaqarluni, arlaleriaralunilu politikerisut misiliigaluartarsimalluni, inuussutissarsiutit pillugit tusagassiisartoq Bloomberg taama allaaserisaqarpoq.

Taassuma USA-p præsidentia Donald Trump eqqortumik aqutsisuunerarpaa, maannalu Islandimi præsidentiusoq oqaluttuarisaaneq pillugu professoreq Oxfordimi ilinniarsimasoq pikkunaannerarlugu isornartorsiungaatsiarlugu qineqqusaarsimalluni.

Islandimi præsidentitut atorfik nalliuttorsiorpalaarnerni malunnartitsisoqarneranilu pisuussaffeqarnerusarpoq naak inatsisartuni aalajangigassani naaggaarsinnaatitanermik pisinnaatitaaffeqaraluarluni.

Gallupip qinersisartut isumaannik missisuinerani maana præsidentiusoq G uðni Jóhannesson qinersisartut 90 procentiannit tarpersersorneqarpoq.

Taamaalilluni Guðni Islandimi innutaasunut 364.000-usunut ukiuni tulliuttuni sisamani naalagaaffimi qullersatut sulinissani qulakkiikannere