Præsidenti Amazonasimi naggueqatigiinnik nungusaaniartutut pasillerneqartoq

Amazonasimi suliniaqatigiiffimmeersut Brasiliami aatsitassarsiornissamut akerliusorpassuit ataatsimoorussamik atsioqatigiissuteqarput.
Amazonasimi Cacique Raoni Metuktirefra Kayapomi naggueqatigiinni siuttoq, tusagassiortunik januaarip 15-ani katersuutitsisoq. Assi © : Carl De Souza/AFP/Ritzau Scanpix
Allattoq Ritzau
januaarip 18-at 2020 15:22

Amazonasimi aatsitassarsiortunut ammaassisoqarnissaa, Brasiliap præsidentia, Jair Bolsonarop neriorsuutigereeraalu, nunaqaqqaartut, naggueqatigiit inuit sakkortuumik qisuariarput, taakkua isumaqarput, præsidenti ilaatigut "inuiannik toqoraarniartutut kulturimillu piuneerutsitsiniartut” pasilleqarpoq.

- Kiattup orpippassuini piaaneq aatsitassarsiornissarlu akuerinngilarput. Amazonas pillugu suliniaqatigiit taama oqarput. Isornartorsiuineq Amazonasimi naggueqatigiit inuit siuttunit assigiinngitsuneersunit atsiorneqarsimavoq.

Kiattup orpippassuaqarfiup ungasinngisaani - Pairacumi naggueqatigiinni siuttut sapaatip akunnerani katerimmata - præsidentip politikkianut akerliuniarlutik ataatsimoorfeqalerput.

- Brasiliami naalakkersuisut politikkerisaat assoralugu ataatsimoorniarluta siunertaraarput, suliniaqatigiiffimmit nalunaarummi missingiummi taama nalunaaruteqarput.

/ritzau/AFP