Puisit amiinik tunisassianut QR-codemik meqqilersuinissaq Naalakkersuisut taperseraat
Great Greenlandip puisit amiinik tunisassianut QR-Codemik meqqilersuisalernissaanut EU-mut saqqummiunneqarnissaanut atatillugu Aalisarnermut Piniarnermullu naalakkersuisoq Karl-Kristian Kruse EU-p iluani arlalinnik sapaatip-akunnerata tulliup ingerlanerani ataatsimeeqateqassaaq.
Inuit puisinniartarnerat puisillu amiinik tunisassiat niuffatigineqarsinnanerannut nunanut EU-mut ilaasortanut pillugu pisinnaatitaaffeqarneq pillugu isumaqatigiinnermi siunertaavoq QR-Codemik meqqilersuinissamut suliniut aalajangiisartunut attuumassuteqartunullu allanut ilisimatitsissutiginissaa.
Inuit puisinniartarnerat inatsisinik eqquutsitsinerusoq, EU-milu peqqussutip 2015-imeersup naapertorneqarnera kiisalu puisinniarneq imminut nammassinnaasumik tunngaveqartoq pillugu ilisimasanik ingerlatseqqiinerussallugu ilutigalugu siunertaavoq. Naalakkersuisut taama allaaserisaqarput.
Puisit amiinik tunisassiassat Inuit puisittaanneersuusut, EU-milu niuffannermi piumasaqaataasunik QR-Codemik meqqilersuineup ersarissumik takutissavaa.