PPRimut innersuussat amerligaluttuinnarput
Ilaannili innersuussisoqarneq ajorpoq ilisimaneqarmat innersuussat ilinniarsimasunik ilinniartitsisussaqanngitsut .
Allattoq Elisa Isaksen
apriilip 22-at 2009 17:12
ADHDmik autismemillu innarluutillit saniatigut tarnip pissusaannut misissugassanngortinneqartartut amerligaluttuinnarput. Nuummi misissortinniartut utaqqinerpaasarput ukioq ilivitsoq sinnerlugu utaqqisoqartarmat. Kujataani Avannaanilu utaqqisoqanngitsoq Else Poulsen, Kujataani PPRimi tarnip pissusaanik ilisimasalik oqarpoq. Aammali oqaatigaa Kujataani immikkut annertusisamik atuartitsinissamut innersuussinaveersaartariaqartarlutik ilisimareeramikku innersuunneqartussat piukkunnartunik ilinniarsimasunillu ilinniartitsisussaqanngitsut.
Erseqqissaatigaattaaq atuartut arlaqartut sianiitsuunngitsut pikkorlulersimasulli, ilinniartinneqarnerat kinguarsimavallaaqimmat, tassa piukkunnartunik pikkorissunillu ilinniartitsisussaqannginnamik.
