Poorskimi pilluaqqusineq 1000-ilikkaanit malinnaavigineqarpoq
Paavi Benedikt XVI-ssaat poorskimi ullumi naalagiartitsivoq, nunarsuarmilu eqqissisoqarnissaa oqariartuutigalugu Ruumami illoqannginnersami Peterspladsimi naalagiartitsilluni.
Irakimi Afhanistanimilu inunnik toqoraanerit unitsinneqarnissaat paavip kajumissaarutigaa. Inuit 10.000-intilikkaat illoqannginnersami Peterspladsimi katersuussimapput.
Naalagiartitsineq nunani 67-ini aallakaatinneqarpoq, naalagiartitsinerullu nalaani nunarsuarmi ajornartorsiutaasut aaqqiivigineqartariaqartullu paavip taakkartorpai.
Kangiani Qiterlermi Afrikamilu ajornartorsiutit aaqqiivigeqqullugit paavi oqariartuuteqarpoq, inuillu katersuussimasut nuannaarutigeqisaannik pilluaqqusilluni.
Oqaatsit assigiinngitsut 62-it atorlugit paavi pilluaqqusivoq.