Poorskimi oqorsarnissaq eqqaamassavarsi
Poorskileqaaq poorskikkunnilu sulinngiffeqarneq aqagumiit inuit ilaannut aallartissaaq, silallu poorskikkunni qanoq innissaa ilaannit immaqa issanngugineqarpoq.
Kiatsinnerulaarnissaanik upernaarpalunnissaanillu neriuutillit naammagittalaartariaqassapput.
Danmarkimi silasiorfimmi DMI-mi Kalaallit Nunaannut silasiortoq Metha Dam oqarpoq, Nunatsinni sineriak tamakkerlugu sapaatip-akunnerata naanerani kiatsinnerulaassasoq.
Pueqqornerali taamaaginnassanerarpaa. Issisiutip 0 gradi ataassimaannarallassagaa Metha Damip ilimagaa, tunumili kiatsinnerussanerarlugu.
Kitaani qaqugu upernaarpalaalerluni kiatsissanersoq Metha Damip soorunami siulittuutigisinnaanngilaa.
Kisianni ullut marlussuit qaangiuppata tassa kiatsiiminerulaassaaq.