Pompeo tikeraarnissani kinguartimmagu - meeqqat motorcykelinik misiligaapput

Nuummi Ukaliusap atuarfiani politiit motorcykelinik politiillu biiliinik takutitsiartorlutik ullaap tungaa apissimmata taama nipeqarpoq.

USA-p nunanut allanut tunngasunut ministeriat tikittussaajunnaarmat motorcykelit meeqqanut alutorsaataalluarsinnaammata atuarfinnut nipinik uinngialatitsillutik pulaaqattaarput. 

Meeqqaallu alutorsaqisut naapippagut, Malu H. Andersenlu sunik misiliisimanersoq aperaara akivorlu:

- Motorcykelit, qanorippa? Nuannerpoq,

Soormita motorcykelit atuartunut takutikkusunneqartut?

- Motorcykelit alutornarnermik, meerarpassuit alutorigamikkit. Motercykelit USA-p udenrigsministeriata maaniinnerani aqqusinerni ingerlaarnerni atortussaagaluaramikkit. Tikittussaajunnaariarmat atuarfinnut aperivugut takorusunneraat, tamarmillu akuersillutik, politiassistent Eigil Lyberth oqarpoq.

Taamaaliornerli ilaatigut meeqqat siunissami politiinngornissaanut kaammattuutaanerluni?

- Soorunami, soorunami! Meerarpassuit aamma uku biilit nuannarisorujussuuai, politiassistent Eigil Lyberth oqarpoq.