Angut qitsullu qaammatit arfineq-marluk imaannarsuarmeereerlutik annaanneqartut
Franskit sinerissami alapernaarsuisartut Indiap imarpissuani qeqertaaqqap ungasinngisaani polenimioq 54-inik ukiulik qitsullu imaannarsuarmi qaammatit arfineq marluk tissukareerlutik sapaammi annaanneqarput.
Franskit sinerissami alapernaarsuisartuisa Indiap imarpissuani qeqertaaqqap ungasinngisaani ujaarineqartut nassaaraat.
AFP taama allaaserisaqarpoq.
Umiartortoq Mozambiquep sineriaanit afrikkap kujataanut - Sydafrikamut 2000 kilomiiterit sinnerlugit isorartutigisoq ingerlaarfiginiarlugu angallammik maajimi aallaarpoq.
Polenimioq Sydafrikamut apuutinngitsoorpoq. Angut takornariartaassuup annanniutigisimasaanik angallateqarsimavoq, sarfaqarpallaarnerali pissutigalugu angallatitoqannguaq imaannarsuarmi tissukalersimavoq.
Angutip ikiortissarsiornissaminut periarfissaqarsimanngilaq - angallatip atortorissaarutai
aserorsimammata. Taamaattoq kineserit suppiliaannik yum-yuminik ullormut inuussuteqartarsimavoq.
Sapaammili annaassiniartartunit nassaarineqarput.
