Politimesterip suliamik unitsitsinera Aleqa Hammondimit isornartorsiorneqarpoq
Inatsisartut siulittaasuata Josef Motzfeldtip inaani hashimik nassaartoqarsimaneraaneq pillugu suliap politiinit unitsinneqarnera Siumup siulittaasuanit Aleqa Hammondimit isornartorsiorneqarpoq.
Allattoq Mads Lynge
aggustip 01-at 2009 13:38
Naammattunik uppernarsaatissaqannginneq pissutigalugu Josef Motzfeldtip ikiaroornartumik hashimik 0,15 grammimik anngiortumik peqarsimasutut unnerluutigineqarnissaa Politimesterip taamaatiinnarpaa.
Siumulli siulittaasua tamanna apeqquserpaa.
Suliamik unitsitsineq inuiaqatigiinni inatsisitigut illersorneqarsinnaanngitsumik alloriarnerusoq, Aleqa Hammondip oqaatigaa.
- Ikiaroornartumik angerlarsimaffimminiititsineq kinguneqartinneqarsinnaanngippalluunniit inuiaqatigiittut taava sumut killissimassaagut? Aleqa Hammond aperivoq.
Aleqa Hammondilli akerliliigaluartoq suliaq politimesterimit unitsinneqarpoq.
Inatsisartut siulittaasuata Josef Motzfeldtip suliani nangeqqereeraa, Inatsisartut siulittaasuata tullia Olga P. Berthelsen ippassaq oqarpoq.
