Politikkikkut aqutsisoqatigiit atorunnaarseqqugaat
Borgmester Kista P. Isaksen radioaviisimut ullumi ima oqarpoq:
- Ilaasortat tamarmiullutik inassutigaat, Kujataani politikkikkut aqutsisoqatigiit atorunnaarsinneqassasut.
Ilaatigut tunngavilersuutigineqarpoq ilaasortat partii-neersuut ataatsimiititaliami taasisinnaatinneqarsinnaan-ngippata ataatsimiititaliaq atortunnaarsinneqartariaqar-toq.
Kujataani aqutsisoqatigiit siulittaasuat Kristine
Råhauge radioaviisimut ipassaq oqarpoq, Qaqortoq borgmestereqarfiusutut, allatseqarfiusutut aningaasaqarnermullu aqutsisoqarfittut siunnersuutigineqassasoq, tamanna isumaqatigineqannginnerami:
- Ikaarsaariarnermi ataatsimiititaliaq tassavoq aalajangiisussaq.
Kista P Isaksen aamma isumaqarpoq kattussuunnermi pingaartuusoq innuttaasut kiffartuunneqarnerisa ajorseriannginnissaat. Qaqortoq borgmestereqarfiuleraluarpat Narsarmiut Nanortalimmiullu ajornerusumik kiffartuunneqalersinnaanerat aarleqqutigineramiuk:
- Taanna aarleriginngilara aamma aalleqqutigisimagaluarukku kattunnissamut naaggaarsimassagaluarpugut, Narsap borgmesteria Kista P. Isaksen naggataagut oqarpoq.
