Politikkikkut annertuumik allanngortoqarpoq

USA-mi politikkikkut annertuumik massakkorpiaq allanngortoqarpoq. Naalagaaffimmi Iowami præsidentimut sisamanngormat qineqqusaarnermut atatillugu New Hampshiremi isumasiunerit maanna sunniuteqarfigereerpaat, tamaanimi marlungorpat taasiartortussaapput.
januaarip 05-at 2008 13:43

Demokratit qnigassanngortitaat, Barack Obama, unammillertimiut Hillary Clintonimut Iowami tupaallannartumik ajugaavoq, isumasiuinerillu takutippaat Barack Obamamut tapersersuisut procentinik marlunnik New Hampshiremi qaffassimasut.

Hillary Clintonili suli siuaqqavoq, tassa 32 procentinik qinersisartuminit demokratinit taaguunneqarsimagami, Barack Obama procentinik sisamanik kinguaqqanerusoq.

Republikanerit qinigassanngortitaat Huckabee Iowami ajugaasoq isumasiuinerni aamma ingerlalluarpoq, ajugaanissaminulli suli ungaseqaaq.

Aviisi Berlingske Tidende malillugu demokratit qiniganngortitaat Barack Obama partiip præsidentinngortitassaatut ilippanaateqarluarsinnaavoq.

Amerikami nunanut allanut tunngassuteqartunut aamma silap pissusaa pillugu politikkimut allannguerujussuarnissaq taassuma neriorsuutigereerpaa. Sakkutuut Irakimiit piffissaq sukkanerpaaq atorlugu tunuartinnissaat Obamap aamma anguniarpaa, USA-llu uuliamik atuiunnaarnissaa aamma suliniutiginiarlugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq