Politikenip Time Lapsemik unammisitsineranut kalaallinik peqataasoqarpoq

Aviisi ullormut saqqummersartoq Politiken, time lapsemik videoliullaqqinneqqusaatsitsilluni 2012-imi novembarip qaammataaniilli unammisitsivoq. Videonik tunniussinissamut piffissaliussaq maanna nallereerpoq, nassiussarpassuillui akornanni sorleq pitsaanerpaajunersoq maanna taasissutigineqartussanngorluni.
Allattoq Peter Troelsen, Simon Uldum
maajip 10-at 2013 09:50

Kalaallit videoliaat tallimat naliliisartunit nuannarineqarlutik ajugaaniutivinnermut peqataatinneqarput, videoliallu kusanartorsuit Politikenip nittartagaani uani maanna takuneqarsinnaanngorput: http://politiken.dk/bagsiden/ECE1960136/timelapse-bidrag-4-groenlandsk-nordlys-og-vejr/.

Time lapsemik videliaq tassaavoq filmeeraq assilissanik ataasiakkaanik arlariinnik katitigaasoq. Peqataasut ilagaat Toke Brødsgaard, taannalu poorskip nalaani 2013-imi Nuup qulaani arsarnerit filmiliarisimavai.

- Nassiussara "Poorskikkunni arsarnerit", sekundimut assinik 25-inik katitigaavoq. Apriilip 27-iani Nuup qulaata arsarnerpassuaqarnerani assilisaraakka. Video assinik ataasiakkaanik 1000-t missaaniittunik katitigaavoq, assillu ataasiakkaat sekundit arfinillit miss. sivisussuseqartiterput, Toke Brødsgaard knr.gl-imut oqaluttuarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq