Politiiusimasoq Kalaallit Nunaat pillugu Skagenermiunut oqaluttuarpoq
Nuummi politeeqarfimmi pisortaasimasoq Bent Heiselbergip oqalugiarnissaanut unnugu pisussamut Skagenip atuagaateqarfiata matuni ammarpai.
Allattoq mlk
Skagenip atuagaateqarfiani Kalaallit Nunaat unnugu eqqartorneqassaaq, tamanna pissaaq nunatsinni ilisarisimaneqarluartoq Nuummi politeeqarfimmi pisortaasimasoq Bent Heiselberg oqalugialerpat.
Bent Heiselberg politiiusoq inuusuttuulluni 1977-imi Kalaallit Nunaaliarpoq. Ukiuni marlunni Paamiuniinnissaa pilersaarutaasimagaluarpoq taamaakkaluartoq ukiut marluinnaanatik ukiut 39-nngorsimapput. Nuummi politeeqarfimmi pisortatut atorneqarnini naammassivaa.
Kalaallit Nunaanni politiiuneq ulluinnarni sakkortusinnaasartoq pillugu aamma pinngortitami misigisartakkani Bent Heiselbergip Skagenermiunut oqaluttuariniarpai.