Politiit ujaqqanik ajunaalernermilu ikumatitanik milloorneqarput

Serbiami provinsi, Kosovo, namminersortutut suaarutigereersorlu illoqarfiit pingaarnersaanni, Beogradimi, amerikamiut aallartitaqarfiannik politiit illersorniaraluartillugit inuit hornorujut arlallit akerliussutsimik takutitsillutik ujaqqanik ajunaalernermilu ikumatitanik milloorput.
februaarip 18-at 2008 05:26

Inuit ikinnerpaamik 30-t ajoqusertut, napparsimmavimmiit tusarfiit ilisimatitsipput, politiit 15-it missaat ajoqusertunut ilaallutik.

Nunat EU-mut ilaasortaasut 27-t nuna ilaasortanngorlaaq taanna ataatsimoorlutik akuersaarsinnaaneraat nalunarallarpoq. Nunat EU-mut ilaasortaasut nunanut allanut ministerii Bruxelles-imut tikerareerput, Kosovo oqaluuseriniarlugu.

Albaniamiut Kosovomi najugallit kiffaanngissuseqalernermik nalunaarutaat atortussaanngitsutut nalunaarutigeqqullugu Naalagaaffiit Peqatigiit Isumannaallisaaniaqatigiivi Ruslandip ippassaq kimigiiserfigigaluarpai, iluatsinngitsumilli.

-Ruslandip siunnersuutaa nunap ataatsilluunniit isumaqatiginngilaa, Naalagaaffiit Peqatigiit aallartitaat, tuluk, John Sawers, ataatsimiinnerup kingorna nutaarsiassaqartitsivimmit Ritzauimit issuarneqarpoq.

USA Isumannaallisaaniaqatigiinnullu ilaasortat europamiut peqatigiillutik nalunaarput ”ajuusaarpugut Isumannaallisaaniaqatigiit siunissaq pillugu isumaqatigiissinnaanngimmata”.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq