Politiit sulinertik naammagiunnaariartuinnarpaat

Nunatsinni politiit aaqqissugaanikkut maanna allanngortiteriffigineqarmata suleqatit ilaasa qullersarisanik amigaateqartutut misigisimasinnaanerat matumani nassuiaatissat ilagisinnaagaat eqqoriarsinnaavara.

Politimester Steen Silberg Thomsenillu marsimili napparsimalluni sulinnginnera patsisaaqataasinnaanersoq aperineqarami, inuit ataasiakkaat Bjørn Bayip iserfigisinnaannginnerarpai.

Taamaakkaluartoq suliffeqarfimmi angisuumi soorlu nunatsinni politiini, siuttuusoq piffissami sivisuumi napparsimasimappat arlaatigut sunniuteqarsinnaasoq ilimagisinnaanerarpaa.

Misissuinermilu politiit qullersaarisaasa naammagisimaarneqarnerat appariartoq takuneqarsinnaasoq qanoq iliorfiginiarneqarnersoq apeqqutigineqarmat, naalagaaffiup politiivisa politiinik naalagaaffik tamakkerlugu misissuinermik ingerlatsisimarat pillugu misissueqqissaarnermi inerniliussassaq amigaatigineqartoq oqarpoq. Suliffigut sumiiffikkaartumik atukkatigut taamatullu misissuinermi sammineqartutigut assigiinngiiaarsinnaapput, misissueqqissaarnerullu tamakku takussusertussaassammagit eqqarsatigisariaqarpoq. Aqutsisoqarfinni marluusuni kinguariaateqalaarsimavugut, politeeqarfinnilu pisortat sapaatit akunneri marluk qaanngiuppata Ilulissani ataatsimeeqatigiilerutta, aqutsineq pingaarnerpaatut eqqartugassaajumaarpoq.

Naalagaaffeqatigiit politiivi siorna sulisimanerminnik naammagisimaarinninnerulersimasut ataatsimut isigalugu oqaatigineqarsinnaavoq.