Politiit suliassarpassuaqartut tikisitsipput

Inuiaqatigiit ima nakkutigisassanngortigisimanerlutik allaat immikkut ittumik politiinik tikisitsisoqartariaqalerluni. Politiit Danmarkimeersut katillugit 34-it nunatsinni taartaagallartussat tikeralereerput, affaat Nuummiissallutik. Vicepolitiinspektør Karl-Henrik Simonsen oqarpoq, suliassat naammassisariaqakkat pissutigalugit ukiut tamaasa tikisitsisariaqarlutik:

- 35-it tikittussat taaneqartut affaasa 15-16-17-t missaat aasat tamaasa tikittarput qaammatit pingasunit tallimanut feeriarfiup nalaani amerlaqutaajartorlutik.

Immikkut tikisitaallutik sinerissamut suliartortut tikeralereersut sagsbehandleriillutik aallartilluareerput.

Karl-Henrik Simonsen politimestereqarfik sinnerlugu erseqqissaavoq suliassat uninngasuutit amerlasoorpassuit suliassaasut. Pinerlunnerit uninneq ajormata, arlaannik pinerlussimasut tillinniaqattaartulluunniit paasineqaraangata rapportit sananeqartarput, taakkulu inaarneqartariaqartarput.

- Oqaatigisinnaavara persuttaanerit aamma amerlavallaarujussuartut aamma rapportiliassaasarmata.

Aperaarput politiit taama amerlatigisut tikisinnerisigut nakkutiginninnerujussuaq pilissannginnersoq.

- Naamerluinnaq. Soorunami amerlinissarput kissaatiginartorujussuuvoq massakkut pisut pisannginniassammata. Taartaasussat takkukkaluarpaluunnit illoqarfimmi malunnangaarnavianngillat. Karl-Henrik Simonsen politimestereqarfimmit oqarpoq.