Politiit Sisimiuni toqusoqarnera toqutsisoqarsimaneratut misissuiffigigaat

Kalaallit Nunaanni Politiit arnaq Sisimiuni toqungasoq sisamanngornermi ullaap tungaani nassaarineqartoq pinerluffigineqarsimasoraat.
SIsimiuni Kaaleeqqap Aqqutaani arnamik toqungasumik nassaartoqarsimasoq politiit sisamanngornermi ullaap tungaani nalunaarfigineqarput. Assi © : Dorthea Reimer-Johansen
Allattoq Signe Haahr Pedersen , Arnaq Nielsen, Anders Dall
marsip 31-at 2022 16:21
Nutserisoq Connie Fontain

Sisimiuni arnaq toqungasoq ullaap tungaani nassaarineqartoq pillugu suliami toqutsisoqartoqarsimaneranik misissuisoqalerpoq.

Kalaallit Nunaanni Politiit misissueqqissaartartuisa pisortaat, Jan Lamberthsen taama paasissutissiivoq.

- Pinerluffiusumi takussutissaqarpoq, naassaarisattalu ilaat pinerluttoqarsimaneranik qulakkeerinnitsitsivoq, taamaammat toqutsineruvoq, Jan Lamberthsen oqarpoq, taassumalu takussutissat sorpiaat pineqarnersut itinerusumik oqaatiginngilai.

Aammattaaq politiit pasisaqarnersut oqaatigisinnaanngilaa.

AAMMA ATUARUK Sisimiuni politiit toqusoqarnerani pinerluttoqarsimanersoq misissoraat

- Pasisaqarnerluta oqaatigisinnaanngilara, ksiianni suliamut atatillugu ingerlariaqqinnissatsinntu neriulluarniarpugut, Jan Lambertsen oqarpoq, nangillunilu:

- Suliamik nangitsinissatsinni suliassaqarpugut. Takussutissanik suliamik matumanik paasinarsisitsisinnaasunik nassaarpugut.

Arnallu kinaanera politiit annerusumik aamma oqaaseqarfigerusunngilaat.

- Pineqartup qanigisai misissueqqissaarnerlu eqqarsaatigalugit kinaanerata qulakkeerluaqqaarnissaa ilaqutaasullu kalerrinneqareernissaat utaqqivarput. Taamaammat pinerluffigineqartumut tunngatillugu paasissutissat uatsinniitiinnarpagut, misissueqqissaartartut pisortaat oqarpoq.

Sisimiuni politeeqangaatsiartoq

SIsimiuni Kaaleeqqap Aqqutaani arnamik toqungasumik nassaartoqarsimasoq politiit sisamanngornermi ullaap tungaani nalunaarfigineqarput.

Politiit matuma kingorna sumiiffimmi assersuilerput.

Ullunilu tulliuttuni Sisimiuni politeeqangaatsiassasoq, Jan Lambertsen oqarpoq.

- Amerlasuut attavigineqassagunarput aamma politeerpaaluit takuneqarsinnaassapput. Taamaammat ernumasoqassanngilaq. Illoqarfimmi angalaangaatsiarnerput misissueqqissaarnermut ilaavoq.

Inunnit saaffigineqarusuttut

Politiit pinerluffiusimasumi takussutissat tamarmik qulakkeerniarsaraat aamma pinerluttoqarnerata qanga pisimanera paasinarsisinniarlugu.

- Ullaarnganiit imaluunniit unnuap unnuulluunniit ingerlanerani pinerluttoqarsimanissaa ilimagaarput, Jan Lambertsen oqarpoq, taassumalu inuit tusaasaqarsimanngikkunik takusaqarsimasinnaasut politiinut attaveqarnissaannik kaammattuiffigai.

Kalaallit Nunaanni Politiit oqarasuaammut 701448-mut attavigineqarsinnaapput.

Aamma atuaruk