Politiit saassussinermut atatillugu ilisimannittunik ujaasipput

Arnaq 39-nik ukiulik Nuummi Ceresvejimi Blok N-ip Kongevejimilu Blok P-ip akornanni unnuaq nalunaaqutaq ataatsimut tanneq qulingiluat missaanni saassunneqarpoq, meeqqeriviup Red Barnet-ip pinnguartarfiata silataani.

Maannamut misissuinerit ersersippaat arnaq tunuaniit saassunneqarsimasoq.

Arnaq ajoquserneqarujussuarpoq, Dronning Ingridillu Napparsimmavissuani maanna uninngalluni.

Saassussinermi takunnittoq oqaluttuarpoq, nukappiaraq niviarsiararlu saassussinerup nalaani qanittumiissimasut.

Angut saassussisoq 160 centimeterit missaannik angissuseqarpoq, tuattuulluni, qernertumik naatsumik kavaajaqarpoq, taarunik qarleqarluni, tungujortumillu qaamasumik nasaqarpoq.

Sassussinerup nalaani nukappiaraq niviarsiararlu qanittumiittut politiit attaveqarfigerusukkaluarpaat.

Aallallu takunnissimasinnaasut Nuummi Politiinut saaffiginneqquneqarput, Nuummi Politiit oqarasuaataat tassaavoq 32 14 48, 32 14 48.