Politiit qimmiat savilersorfiusumut isertinneqartoq
Politiit marluk Uummannami angerlarsimaffimmi eqqissiviilliortoqarneranut qanittukkut aggersarneqarput. Nunatsinni Politiit Facebookimi taama allapput.
Politiit naapertorlugit arnaq angullu paggissimapput politiillu takkummata arnaq savissuaq paaralugu inissiap iluatungaanut qimaasimavoq.
Taamatut pisoqariarmat ajornerusumillu pisoqaqqunagu, politiit qimmertik Robin inissiamut isertippaat.
Arnaq nassaarivaa uninngallunilu qilulluni arnaq qimaariarfissaarutsillugu.
Tamatuma kingorna politiit marluusut arnaq iserfigisinnaasimavaat misissoreeramikkulu annertuuliorfiunngitsumik tigusarisinnaasimallugu.
- Qimmeqarallartilluta pisoq ilungersunarluinnartunngorsinnaasoq pinngitsoortinneqarpoq eqqissisimasumillu inerneqarluni, politiit taama oqarput.