Politiit oqummit eqqugaapput
Ilulissani politeeqarfiup ilaa matuneqarpoq oqunnera pissutigalugu.
Allattoq Noah Mølgaard
decembarip 23-at 2010 12:45
Ilulissani politiit peqqinnissamut ulorianartumit oqummit eqqorneqarput, taamaattorli politiit upalungaarsimanerat allanngornavianngilaq taamalu pinerluttoqarsimatillugu orniguttassasut politimestereqarfik nalunaarpoq.
Politeeqarfilli tamarmi oqummit eqqorneqarsimanngilaq. Iluarsaassineq aallartippoq naatsorsuutigineqarporlu ukiortaariitsiarnerani piareerneqarumaartoq.
Illutaatali iluarsaannera pissutigalugu kiffartuussinerit soorlu pasit kørekortit assigisaallu eqqarsaatigalugit sullissineq kigaallarsimaarpoq.
Taamaammat politiit kajumissaarutigaat suliat taaneqartunut assigisut ukiortaareerneranut utaqqisequllugit.
