Politiit oqaaseqarumanngillat
Ilulissani tallimanngornermi ullaakkut politiit nukappiaqqallu marluk 14-ukiullit akornanni susoqarpa? Sooq poliiti aggersarneqarpat? Qanoq ilillugu nukappiaraq niuatigut aallaaneqarpa? Apeqqutit tamakku politiit oqaaseqarfigerusunngilaat, pisup politiit unnerluussisuinut saqqummiunneqartussaanera peqqutaalluni.
Allattoq Louise M. Kleemann
Politiit oqaatigisinnaasatuaat tassa, nukappiaqqat 14-inik ukiullit marluk umiatsiamiit politiinut eqqaassisimasut. Nukappiaqqallu aappaa niuatigut politiit kinguninngua aallaasariaqarsimagaat.
- Eqqartuussissuserisup, eqqartuusseqataasartullu politiit unnerluussisuiniittut taakku marluk, politiit nassuiaataat tigutinnagu pisoq nutaarsiassani atuartariaqanngilaat, politimesterip tullersortaa, Morten Nielsen, oqarpoq.