Politiit nalunaarummik tigusaqarsimanngillat
Politikerit nuimasut sisamat pisortat aningaasaataannik atornerluisimasutut politiinut nalunaarutigineqartut, Atuagalliutini ullumi saqqummersumi allaaserineqarpoq.
Jonathan Motzfeldt, Hans Enoksen, Jørgen Wæver Johansen kiisalu Tommy Marø innuttaasumit politiinut nalunaarutigineqartut, Atuagagdliutini allaaserineqarpoq.
- Nalunaarummik taama ittumik tigusaqanngilagut, pisortat aningaasaataannik atornerluinermik nalunaarutip itigartitsissutigineqarnissaa takorlooruminaatsippara, vicepolitimester Morten Nielsen radioaviisimut oqarpoq.
Nalunaarutiginnittoqarsimaneranik uppernarsaat Atuagalliutini pigineqartoq aviisimi ullumi saqqummersumi allaaserineqarpoq.
Politikerit nuimasut ilassinninnermut aningaasaliissutinik atornerluisarnerat pillugu Atuagalliutinit allaaserinneqattaarnerit, politiinut nalunaarutiginninnermut tunngaviupput. Atuagalliutini ilaatigut allaaserineqarpoq Jonathan Motzfeldtip ilaquttani inuiaqatigiit akileraarutaannik atuilluni Tivolimi nerersuartitsisimasoq.
