Politiit misissuinerat
Vicepolitimester Morten Nielsen oqarpoq, nipangersimatitaasussaaneq tamassumunnga patsisaasoq, kisiannili politiit nalinginnaasumut sulinerannut oqaaseqarsinnaalluni, imallu nassuiaavoq:-Oqartoqarsinaanngilaq ataatsimik suleriaaseqartartugut, tassami suliassiissutigineqartut assigiinngitsut assigiinngitsumik suliarineqartarput, killisiuinerit ingerlanneqartarput, soorlu aamma teknikkikkut uppernarsaatissat misissorneqartartut. Nuummi politiit teknikkikkut uppernarsaatissanik paasiniaanissaminnut qanoq periarfissaqarnerat apeqqutigigatsinni Morten Nielsen nassuiaavoq:-Nuummi politiit Kalaallit Nunaanni politeeqarfiit allat assigalugit teknikkikkut uppernarsaatissanik paasiniaanissamut Danmarkimiit ikiorserneqarsinnaapput, taamaanneranilu misissugassat Danmarkimi paasiniarneqaqqissaarsinnaallutik, tassaasinnaapput tumit assingi, aammik misissukkat imaluunniit suulluunniit pinerluffimmi paasiniaanermi takussutissanngorsinnaasut.
