Politiit Kangaatsiami kioskip ikuallanneranut suliaq naammassigaat
Ikuallattoqarnerani kioski nungulluni ikuallappoq angullu 58-inik ukiulik ajunaarluni.
![Kalaallit Nunaanni Politiit toqutsinernik suliani sisamani suli misissueqqissaarput.](/sites/default/files/styles/image_934x467/public/article_images/politiafspaerring_foto_rigspolitiet.jpg?itok=swIRLMQJ)
Aasianni Politiit Danmarkimit ikuattoqarneranik misissueqqissaartartunik ilaatigut ikiorneqarput.
Kangaatsiami kioskip februaarip ulluisa qulingiluaanni ikuallannerani angut 58-inik ukiulik ajunaarpoq.
Kioski ikuallattoq nungulluni ikuallappoq. 58-inillu ukiulik nammineerluni ikuallatsitsisuusoq politiit misissuinerisa takutippaat.
Angut ajunaartoq Kangaatsiameersuuvoq angullu alla 36-inik ukiulik aamma ajoqusingaatsiarluni. Taanna Nuummut Dronning Ingriup Napparsimmavissualiiaanneqarpoq.
Aasianni Politiit misissuinertik maanna naammassivaat. Taakku Danmarkimit ikuattoqarneranik misissueqqissaartartunik ilaatigut ikiorneqarput.
Ilaqutaasut eqqarsaatigalugit ikuallattoqarneranut tunngatillugu politiit annerusumik oqaaseqarsinnaanngillat.