Politiit Jyllandip avannaamiut isaannit isigalugit
Kalaallit Nunatsinni Politiit pillugit saqqummersitsineq pissanganartoq Aalborgimi Kalaallit Illuutaanni tallimanngorpat aallartissaaq. Saqqummersitsineq taaguuteqarpoq "Politiet i Grønland - Set med nordjyske øjne", (Kalaallit Nunaanni Politiit - Jyllandip avannaamiut isaannit isigalugit).
Allattoq Carla Davidsen
aggustip 29-at 2011 13:41
Saqqummersitsineq politiit Jyllandip avannaamiut Kalaallit Nunaanni ukiut ingerlanerini sulisimasut suleqatigalugit piviusunngorpoq.
Saqqummersitsinermi politiit suliaat immikkuullarilluinnartut takuneqarsinnaapput - pingaartumik Kalaallit Nunaanni sumiiffiit imminnut ungasinnerujussui eqqarsaatigalugit.
Saqqummersitsineq Københavnimi katersugaasivik, Politihistorisk Museum, suleqatigalugu piviusunngortoq, ualikkut pingasunut ammarneqassaaq, tikilluaqqusisuussallutik Rigspolitichef, Nunatsinni aamma Politimesteriusimasoq, Jens Henrik Højbjerg aamma Nordjyllands Politini pisortaq Elsemette Cassøe.
