Politiit: Isarussat illersuutit eqqaamallugit
Politiit ukiortaarnissaanut ullut pingasuinnanngortut, kikkunnut tamanut qummoroortartornermi isarussat illersuutissat eqqaamaneqarnissaat isiginnaartuuinnaraluaraanniluunniit eqqaatitsissutigaat.
Allattoq Kerté Jeremiassen
decembarip 28-at 2015 09:43
Meeqqat inuusuttullu akornanni ukiutoqarsiutinik pinnguarnerup kingorna timimikkut uussoqarsimaneranik nalunaaruteqallattaartoqalereersorlu, Politiit mianersoqqusipput.
Taamaattumik politiit kaammattuutigaat, qummoroortartut peqqissaarunneqarnissaat. Qummoroortartut miloriunnagit, ruujoriniillu aallartitsivinniilluunniit isumannaatsumik ataasiakkaaraluni aallartitsisarnissaq kaammattuutigineqarpoq.
Aammattaaq qummoroortaatit qulangeqqallugit ikinniartannginnissai, qummoroortartullu aallanngitsoortut uterfigeqqittannginnissaat politiinit mianersoqqussutigineqarput.
