Politiit gassimik qulliliornartumik atuipput
Grækenlandimi illoqarfiit pingaarnersaanni, Athenimi, nukappiaraq 15-inik ukiulik politiinit aallaaneqarluni sapaatip akunnerata naanerani toqutaasoq ullumikkut ilisaammat, politiit gassimik qulliliornartumik atuisariaqarsimapput.
Ilisisoqarnerani, inunnit 3.000-init sinneqartunit peqataaffigineqartumi, politiit inuusuttunit arlalissuarnit saassunneqarput. Inuusuttut ujaqqanik milloorput, eqqaavinnillu oqaluffiup eqqaaniittunik ikuallatsitsillutik.
Toqutsineq eqqissiviilliornerujussuillu ministeriunermut konservativineersumut ilungersunartorsiortitsipput. Tassami illuatungiliuttut inatsisartunut qinersisoqarnissaa piumasarimmassuk.