Politiit: Eqqissisimasumik ukiortaarsiortoqarpoq
Naak Uummannami politiit ulapissimagaluartut sumiiffinni allani eqqissisimasumik nipaatsumillu ukiortaarsiortoqarsimasoq politiit nalunaarput. Pingaartumik Qasigiannguani, Aasianni Qaanaamilu eqqissisimasumik ukiortaassiortoqarluarsimavoq.
Allattoq Bikki P. Kleist
Sisimiut pigisaanni Sarfannguani arnaq ilaquttaminut angummut tuiatigut kapiseriarmat tigusarineqarpoq, angut kapineqartoq nakorsiaanneqartariaqarsimavoq ikiali kimillalaaginnarsimasoq, Sisimiuni politeeq, Klaus Etzerodt oqarpoq.
Paamiuni arnap aappami qitiatigut aamma kapisimavaa, angut nakorsiaanneqarsimavoq inuunerali navianartorsiunngitsoq, vicepolitimester Morten Nielsen oqarpoq.
Arnaq nakuusersimasutut unnerluunneqassaaq.