Politiit biilii aporpai
Angut 26-nik ukiulik Nuummi aalakoorluni biilertoq politiinit arfininngornerup sapaatillu akornanni unnuakkut tigusarineqarpoq.
Allattoq Najaaraq Egede
septembarip 22-at 2008 17:45
Biilit apugai nalinginnaasuunngillat, tassaagamimmi politiit biilii.
Politiit biiliinik aporsineq Nuummi qitigiartarfiup Manhattanip silataani pivoq.
Angut 26-inik ukiulik politiit biiliinik aporsinermi kingorna aassiorneqarpoq imigassartorsimanersoq paasiniarlugu. Angutip biilinik ingerlatitsisinnaanermut allagartaminik arsaarneqarnissani akiligassinneqarnissanilu maanna ilisimagisinnaanngorpaa.
