Politiit angutip Nuummeersup ujaarinera unitsikkaat

Politiit angut ajunaarsimassasoraat ilaqutaasut ilisimatinneqareerput.
Politiit angut ajunaarsimassasoraat ilaqutaasullu kalerrinneqareerput. Assi © : KNR // Kathrine Kruse
Allattoq Nauja Møller
marsip 24-at 2020 10:04

Politiit angutip 52-inik ukiullip Nuup Kangerluani sapaatiummat imaanut nakkartup ujaarinera taamaatippaat.

Angut Sermitsiap qeqertaata avannaa-kitaani aalisariarsimavoq.

Angut sapaatiummat unnukkulli ujaarineqalerpoq. Issittumi Sakkutooqarfiup alapernaarsuut Triton politiillu angallatertik Sisak atorlugu angut Kanajorsuit paavani ujaarigaluarpaat iluatsinngitsumilli.

AAMMA ATUARUK Nuup Kangerluani ujaasineq: Politiit angut ajunaarsimassangatikkaat

Qulimiguulik atorlugu aamma ujaasisoqaraluarpoq.

Politiit angut ajunaarsimassasoraat ilaqutaasullu kalerrinneqareerput.

Angut nammineq aalisariartuuvoq.