Politiit angut 69-inik ukiulik taammaaneqartoq ujaaraat
Nuummi politiit angut Jens Emanuelsen 69-inik ukiulik Nuup saavani umiatsiaaqqamini qasertumi qaamasumiittoq kingullermik marlunngormat takuneqartoq ujaaraat.
Jens Emanuelsen kingullermik takuneqarami tungujortunik taartunik atallaaqarlunilu nasaqarpoq.
Politiit umiatsiaaraq 14 fodsiusoq, 15 hk-millu motoreqartoq nalunaarutigaat. Politiit angut umiatsiaaqqamini VHF Radioqarnersoq, GPS-eqarnersoq allanilluunniit atortussaqarnersoq ilisimanngilaat.
Politiit angallamminnik Sisammik, alapernaarsuummik Tritonimik qulimiguulimmillu SAR-imik ujaasinertik marlunngormat aallartippaat. Ujaasinerminnili nassaarinngilaat, taamaakkaluartorli ujaasinertik ingerlatiinnarniarpaat.
Jens Emanuelsen takusimagukku politiinut oqarasuaammut 70 14 48-imut saaffiginnissinnaavutit.