Politiit ajortuliortoqarsimassasorinngilaat
Ikuallannerup aallartiffia paasiniaasut sumiiffissereerpaat, ikuallannerli sumik peqquteqarnersoq suli oqaatigisinnaanagu. Sooq ikuallattoqarnersoq paasilluarumallugu, Immikkut misissuisartunik Danmarkimiit aggersaanissaq aalajangiunneqarpoq. Immikkut paasiniaasartut Nuummut periarfissakkut siullikkut tikissapput.
-Pisoq alianarluinnartuuvoq, Ikuallattoqarnerani inuit pingasut toqupput. Toqusut misisorneqassapput, inissiarlu tamakkerlugu misissoqqisaassavarput. Uagut pasiniaasartugut misissuillutik aallartereerput, immikkullu misissuisartunit Danmarkimeersunit ikiorneqalernissatta tungaanut misissuissallutik. Kisianni pinerluttuliorqarsimasinnaaneranik ajortuliortoqarsimasinnaaneranilluunniit ilimasunngilagut, vicepolitikommissær paasiniaanermilu pisortaq Pavia Kleist knr.glimut oqarpoq.
