Politiit Aasianni angut aallaavaat
Nunatsinni politiit uppernarsarlugu oqarput, Aasianni unnuaq eqqissiviilliortornera pillugu Nalunguarfimmukarsimasut, tassanilu politiit sulinerminnut atatillugu illuinnaarsuut atortagaq atorlugu angut aallaasariaqarsimagaat, tuiatigullu eqqorneqartoq.
Politiit inuunerminnik ulorianartorsiortitaanertik pillugu illuinarsuut atortariaqarsimagaat, nunatsinni politiini unnerluussisussaatitaasut pisortaat Morten Nielsen KNR-imut oqarpoq.
Innuttaasoq, pisumut takunnittoq, KNR-imut oqaluttuarpoq, inuk aallaaneqartoq timmisartumik napparsimasunik angallassinermi atorneqartartumik King Air-imik aallarunneqarsimasoq.
Politiit oqaluttuarput, angut napparsimaveqarfimmit isumagineqartoq.
Aasianni eqqartuussivimmi angut najuutinngikkaluartoq aalajangiivoq, pineqartoq ulluni 27-ni tigummigallarneqassasoq.
Politiini misissuisartut attumassuteqanngitsut Aasiannut tikissimapput, aallaannittoqarnerata kingorna misissuiartorlutik.
