Politiit 20-nik ukiulimmik Tasiilami ujaasinertik unitsikkaat
Angutip 20-nik ukiullip Tasiilap eqqaani ujaarineqartup, ujaarineqarnera untsinneqartoq Kalaallit Nunaani politiit taama nalunaruteqarput.
Angut 20-nik ukiulik umiatsiamik ammaannartumik Tasiilamit marlunngornermi unnuakkut aallarpoq, umiatsiaalu inuttaqanngitsoq Sermiliup paavani ippassaq unnukkut nassaarineqarpoq.
AAMMA ATUARUK 20-nik ukiulik Tasiilami ujaarineqartoq
Timmisartumik qulimiguulimmik angallatinillu Tasiilap eqqaani ujaasisoqaraluarpoq, angulli 20-nik ukiulik nassaarineqanngimmat, politiit ujaasinertik unitsippaat.
Angutip ujaarineqarnerata unitsinneqarnera ilaqutaanut nalunaarugineqartoq politiit ilisimatitsipput.