Politiinngorniat atuagarsornerulissapput

Politiingorniat ilinniartitaannerat allanngortinneqassaaq. Kalaallit Nunaanni politiinngorniarluni ilinniagaqartut oktobarip qaammataani ilinnialerunik atuagarsornerulissapput, sinerissamilu politeeqarfinni sungiusaatigalugu sulisarnerat sivikillissalluni, atuagassiami POLITI-mi allaaserinnittoqarpoq.
Allattoq Louise M. Kleemann
aggustip 21-at 2008 09:05

Politiinngorniarnerup ingerlanerani sungiusaatigalugu sulineq maannamut qaammatinik 24-inik sivissussuseqartarpoq, oktobarillu qaammaataanit qaammatinik 20-inik sivissussuseqalissalluni.

Politiinngorniartut ilinniarnerminni atuagarsorlutik ilisimasariaqagaannik piumasaqaatit annertusiartorput, taamaattumillu ilinniarfiup aqutsisui aalajangerput, sungiusaatigalugu politeeqarfinni sulineq sivikillineqassasoq.

Ilinniarnermi piumasaqaatit amerlanerulerput taamaattumillu atuagarsorluni ilinniartitsinerit, soorlu qallunaatut kalaallisullu oqaatsit aamma politiit suliaat pillugit ilinniartitsinerit amerlineqarlutik, politiinngorniat ilinniarfianni pisortaq Hans Bjerregaard atugassiami POLITI-mi kingullermik saqqummersumi issuarneqarpoq.

Atuagassiaq POLITI kingullermik saqqummersoq Kalaallit Nunaanni politiitut sulinermik immikkut sammisaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq