Politiit: Ujajaasimanermut atatillugu paasissutissiisinnaasut ujartoraat
Arnap utoqqaap angerlarsimaffianut angutit ujajaasut marluk taartunik atisaqarsimapput, kiinaallu assersorsimallutik.
Takunnissimasinnaasut politiinut saaffiginneqqullugit politiit sapaatiummat innuttaasunit ikioqqullutik saaffiginnipput. Maannamulli qisuariartoqarsimanngilaq angutillu pasisat suli tigusarineqaratik, politiit KNR-imut ataasinngornermi ilisimatitsipput.
Arnaq nakuuserfigineqartoq Dronning Ingridip Napparsimmavissuanut uninngatinneqarpoq.
Nuniaffimmi sungaartuni arfininngornerup unnuaani ujajaanermut atatillugu takunnissimasinnaasut ilisimannittunilluunniit politiinut saaffiginneqquneqarput.
Nuummi Politiit oqarasuaataasa normoraat 70 14 48.