Qaqortoq: Iiisartakkanik navianartunik ingerlaartitsisoqarsinnaanera politiit mianersoqqussutigaat

Qaqortumi napparsimmavimmut tillinniartoqarnerani iisartakkanik amerlangaatsiartunik tillittoqarpoq. Iisartakkallu misilittagaqanngitsunit atorneqarpata inuunermut navianaateqarsinnaasoq, politiit mianersoqqussutigaat.

Allattoq Simon Uldum

decembarip 10-at 2018 05:06

Iisartakkat Qaqortumi napparsimmavimmut tillinniartoqarnerani tillinneqartut annertuumik ajoqusiisinnaanerat politiit Nunatsinnilu Nakorsaanerup aarleqqutigaat.

Arfininngornermi decembarip arfineq-pingajuani tillinniartoqarnerani iisartakkat amerlangaatsiartut tillinneqarput.

Iisartakkanik tillinneqarsimasunik atuinerup sunniutigisartagaat tassaapput tilleruluttoorneq, meriannguneq, meriarneq, sajunneq kiaqalernerlu. Aamma eqqarsartaatsimut sunniuteqarsinnavoq sakkortuumik kingunerlutsitsisinnaasumik. Atuinerup kingunerisaanik qasoqqarujussuarneq isumatsangaarnerlu atorneqarsinnaasarput. Atuivallaarneq toqussutaasinnaavoq. Najoqqutarisaq: Nunatsinni politiit.

Nakorsaatit pineqartut tassaapput Ritalin Uno aamma Motiron. Taakku medthylphenidatimik akoqarput. Iisartakkat katillugit 2662-it assigiinngitsunik kimittussusillit pineqarput (10, 30 aamma 40 mg.)

Iisartakkat misilittagaqanngitsunit atorneqarpata inuunermut navianaateqarsinnaapput.

- Taamaammat iisartakkanik atuisoqannginnissaa politiit Nunatsinnilu Nakorsaanerup kaammattuutigaat, aamma inuit tillinniartoqarnera pillugu paasissutissaateqartut, kiisalu inuit iisartakkanik neqeroorfigineqarsimasut politiinut saaffiginninnissaat kaammattuutigineqarpoq, politiit tusagassiorfinnut nalunaarummi taama allapput.

Inuit paasissutissanik pigisaqartut Qaqortumi politiinut oqarasuaatikkut 701122-mut sianeqquneqarput..

Qaqortoq: Iiisartakkanik navianartunik ingerlaartitsisoqarsinnaanera politiit mianersoqqussutigaat

Aamma atuaruk