Politeeqarfimmi pisortaq pinngitsuutinneqarpoq
Qeqertarsuarmi politeeqarfimmi pisortaq kinguaassiutitigut pinerluuteqarsimanermik suliami ilungersunartumi atorfimminik atornerluisimasutut unnerluutigineqarnermini Nunatta Eqqartuussiviani pinngitsuutinneqarpoq.
Sermitsiaq nittartakkamini taama allappoq.
Politeeqarfimmi pisortaq Qeqertarsuup Eqqartuussiviani inummut politeeqarfimmi pisortamit ikinngutigineqartumut kinguaassiutitigut pinerluuteqarsimanermik suliami ilungersunartumi unnerluutiginninnermi suliarinnikkumasimanngitsutut eqqartuunneqarpoq. Tamatuma saniatigut politeeqarfimmi pisortaq suliaminik sisamariarluni sumiginnaasimasutut unnerluutigineqarpoq.
Politeeqarfimmi pisortaq ulluni 40-ni Pinerluuteqarsimasunut Inissiisarfimmiittussanngorlugu eqqartuunneqarpoq. Politeeqarfimmi pisortaq aamma ilaatigut atorfimminik marloriarluni atornerluisimasutut ilaatigullu suliaminik sumiginnaasimasutut eqqartuunneqarpoq. Eqqartuussinerup nalaani politeeqarfimmi pisortaq suliunnaarsinneqarallarpoq, nunattali eqqartuussivianit pinngitsuutinneqarnermi kingorna politiitut suleqqilersimalluni.
