Polenip naalakkersuisuisa naartuersittarneq pillugu inatsisissaq nangaasoorutigigaat
Polenimi eqqartuussiviit qullersaata naartuersittarnerit inerteqqutaalernissaat pillugu aalajangernissaata tungaanut eqqissilluni oqallisigineqarnissaa Polenimi pisariaqartinneqarpoq.
Polenimi naalaakkersuisut oqaaseqartittagaat marlunngornermi taama oqarpoq.
Naartuersittarneq pillugu inatsisip sukannernerulersinneqarnera ataasinngormat atuutilersinneqarnissaa ilimagineqaraluarpoq. Innuttaasorparujussuit sapaatit akunnerini kingullerni marlunni ullut tamaasa akerliussutsimik takutitsisarnerat pissutigalugu inatsisip atuutilersinneqarnisaa sapaatit akunnerinik marlunnik kinguaattoorpoq.
Polenimi naartuissittarneq pillugu inatsisip sukannernerulernissaa Polenimi naalakkersuinermik eqqartuussivimmi oktoberip 22-anni aalajangiunneqaraluarpoq. Polenimi naartuersittarnermut inatsit Europami killersuinerit ilagaat.
Inuit eqqissisimanissaat pisariaqartikkaat
Inatsit sukannernerulerpat pinngitsaaliisoqarsimatillugu, qanigisamik kinguaassiuutitigut atornerluisoqarsimatillugu imaluunniit anaanaasup inuunera peqqissusialuunnit navianartorsiortinneqarpat naartersuittoqarsinnaavoq.
Inatsisip atuutilersinneqarnerata kingorna inuppassuit akerliussutsimik takutitsipput. Inatsit isumaqatiginagu arnat angutillu Polenimi naalakkersuisunut akerliussutsimik takutitsipput, piffisallu ingerlanerani akerliussutsimik takutitsisut amerliartorput. Tamannalu sunniuteqarsimarpasippoq.
- Aalajangernerup eqqissilluni oqalligisineqarnissaanut maannakkut pisariaqartitsivugut. Inuiaqatigiit eqqissisimanissaat immikkullu ilisimasallit oqallinnissaat pisariaqartipparput, Polenimi naalakkersuisut oqaaseqartittagaat Piotr Muller oqarpoq.
