Polaroil Sisimiunut nuunneqalersoq
KNI-p akilersinnaanerusumik ingerlanneqarnissaa anguniarlugu Ikummatissaqarfiup, Polaroil-ip, allaffissornikkut Maniitsumi ingerlatsivia, Sisimiuni KNI-p qullersaqarfianut aappaagu nuunneqassasoq, siulersuisut aalajangiipput.
-Pisortaqarnikkut, allaffissornikkut aamma teknikkikkut ingerlatsiviit ataatsimuuleriarpata pitsaanerusumik eqaannerusumillu ingerlatsisoqalersinnaanissaa qularinngilarput, KNI-p pisortaa Søren Lennert Mortensen oqarpoq.
Maniitsumi Polaroil-ip allaffissornikkut aqutsiviani inuit aqqaneq-marluk sulisorineqarput, taakkulu Sisimiunut nooqataasinnaanissaminnut neqeroorfigineqarumaartut ilisimatitsissutigineqarpoq.
KNI A/S-ip sinneqartoortaleqqinnissani anguniarlugu, Københavnimi pisiniarfini Strandgademiittoq aamma matussavaa, tamannalu ukiortaap nalaani piumaarpoq.