Polar Seafoodip politiit aalajangiussaat akueraa
Polar Seafoodip raajanik sinnilimmik aalisarsimanerarneqarnini politiit aalajangiussaat akueralugu.
Taama siulersuisut siulittaasuat Keld Holmstrup Nordjyske Stiftidende-mut ilisimatitsivoq.
Raajat pisarineqarsimasut lastimi oqimaassusaat allattukkatigullu nalunaarsukkat kisitsisaasa 2 procenti ataallugu assigiinngissutaat pillugu
Nunatsinni politimesterip Polar Seafood raajanik pisaqamavallaarsimanerarlugu eqqartuuteqqammerpaa.
Aasaq juunip qaammataani Hanstholmimi kilisaat misissorneqarmat paasineqarpoq lastimi 6.588 kg – nik oqimaanneruallaartunik raajanik pisaqartoqarsimasoq. Tusaannarlugu amerlarpalussinnaagaluartut ataatsimut isigalugu procentinngoraanni 1,7 procentiinnapput.
Taamaakkaluarpalluunniilli politimesterip tamanna sinniinertut nalilermagu kilisaataatillit raajanik pisaqamavallaarsimasutut unnerluutigai, pisaqamavallaarneraanerulli annertussusaa minnerpaaffissap killinganiimmat soqutaavallaanngimmallu unnerluussut tunuartinneqaannarpoq.
