Polar Seafoodip aqunneqarnera Danmarkimit Nuummut nuunneqalersoq
Kilisaataatileqatigiiffiup Polar Seafoodip pisortaqarfia Nuummut nuunneqalerpoq.
Allattoq Mads Lynge
juunip 18-at 2019 08:37
Polar Seafood Greenlandip Atlantikup Avannaani ingerlartaasa annertuisiartornerat kiisalu kilisaatini naalagassanik kalaallinik amerlanerusunik ilinniartitsilernissaq peqqutigalugit Polar Seafoodip aqunneqarnera Danmarkimi Vodskovimit Nuummut nuunneqassaaq.
Polar Seafoodip pisortaanera Jens Salling, tusagassiutinut taama nalunaaruteqarpoq.
AAMMA ATUARUK Polar Seafood ukiuni arlaqartuni angusaqarluarnerpaasoq
Kilisaatini aqutsisuusoq Jørgen Fossheim, nammineq aalajangikkaminik, Danmarkimiiginnarniarmat Jens Jørgen Egede kilisaatinut aqutsisunngussaaq. Jørgen Fossheim, Polar Seafoodip Vodskovimi immikkoortortaani ukiuni kingullerni qulini aqutsisuuvoq.
Kilisaatigisanut fabrikkinullu teknikkikkut ingerlatsineq Ole Jørgensenimit tigummineqassaaq. Nunatsinnilu aalisariutinik minnerusunik aqutsineq Henning Rasmussenimit akisussaaffigineqassaaq.
