Polar Seafoodtip nunatsinni suliffeqarfiutai tamarmik nunatsinni aalisartut piniartullu kattuffianni ilaasortanngussapput. Tamannalu piviusunngortussanngorpoq, KNAPK-mi Polar Seafoodtimilu pisortat ullumi isumaqatigiissuteqarnerisigut.
Avataasiutaatillit kattuffiat APK siorna 2006-imi atorunnaarsinneqarpoq, tamatumalu kingorna Polar Seafoodtikkormiut KNAPK-mut ilanngussinnaanissartik sulissutigisimavaat, suliarlu ullumi tassa ilaasortanngornermik inerneqarpoq.
Isumaqatigiissut KNAPK-mit sapaatip akunnerata uuma naannginnerani akuersissutigineqassangatinneqarpoq.