Plummer DR-imit tunuartitaalerunarpoq
Danmarkip Radioata pisortaanera Kenneth Plummer ullumi kingusinnerusukkut atorfimminit tunuartussanngorpoq.
Allattoq Elisa Isaksen
Ritzau-ip taama nalunaaruteqarnerani erserpoq, Danmarkip Radioata siulersuisuini siulittaasoq tusarfiusoq.
Danmarkip Radioani siulersuisut Kenneth Plummer pillugu tuaviortumik unnugu ataatsimiigiaqqusiniarnerat tusarliunneqareersorlu.
Tamatumunnga pissutaavoq Plummer pillugu atuakkiami saqqummersinneqaqqammersumi tusaamanerlugaalersumi, 2005-imi atorfinitsitaanerminut atatillugu, kikkut atorfimmut qinnuteqarsimagaluarnersut, Plummerip atuakkiortumut tunniussimammagit, taamaalilluni suliffiup avataatigut inuunini allaaserinnginniassammagu.