Piumasut qalasersuarmut takornariarsinnaanngorput

Tyskit timmisartuutileqatigiit Air Berlin maajip aappaani qalasersuarmukartitsissaaq. Qalasersuarmukartitsinissarlu angalatitseqatigiit Deutsche Polarflug aamma AirEvents suleqatigiissutigisaanik aaqqissuunneqarpoq, taama atuagassiaq Check-in.dk allaaserisaqarpoq.
Allattoq Jens Thorin
marsip 02-at 2012 07:58

Qalasersuarmut takornariarnissaq naliginnaanngitsoq Berlinimi timmisartunik mittarfimmi Tegel-imiit ullaakkut arfineq pingasunut aallartissaaq, unnukkullu arfineq pingasunut utimut apuunnermik naggaserneqassalluni. Tassa nalunaaquttap akunnerini aqqaneq marlunni ilaasunnguakkuluit naammagittarlutik uninngaannartariaqassapput.

Angalanermi billitsit akisunersaat tassaapput Polar Comfort Class-i, tassungalu ilaaniaraanni 19.800 koruuninik akileeqqaartariaqassaaq. Billitsit akikinnersaat 3300 koruuninik akeqarpoq, taannali atorniaraanni timmisartup qeqqiinnarsuaniinnissaq naatsorsuutigisariaqassaaq.

Angalatitseqatigiit siornatigut assigusumik aaqqissuussisareerput, tassami 2007-imiit 2011 ilanngullugut qalasersualiartitsisareermata, Düsseldorf-imiilli qalasersualiarnerit aallartinneqartarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq