Pituffiup eqqaani saleereernerup kingorna mamitsuittunik ikeqalersoq
Pituffiup eqqaani timmisartup B-52-ip qaartartunik usilluni 1968-imi nakkarnerata kingorna mamitsuittunik ikeqalerpunga. Uummannap eqqaani Saattormiu Otto Ottosen timmisartorsuup nakkarnerneranit ukioq ataaseq qaangiuttoq Avanersuarmi qimussimik angalaqataasimasoq, taama oqarpoq.
Allattoq Mads Lynge
Otto Ottosen, ajoquteqartalerami nakorsamik ukiut marluk matuma siorna misissortittoq, ima oqaluttuarpoq:
- Assanni isikkannilu ulloq manna tikillugu suli ammasoqartarpunga. Avanersuarmiut ilaat angalanermi aamma peqataapput, oqarasuaatikkullu apersorakkit tamarmik oqarput aamma ajoquteqarlutik, Saattormiu Otto Ottosen oqaluttuarpoq.
Taassuma oqaatigaa angutit angalaqataasut taamanikkut 23-usut, maannalu qulingiluaannanngorsimasut. Angutit Uummannap Sulluaninngaanneersuullutillu Illorsuarninngaanneersuupput, ilaallu kræftimik toqquteqarnikuullutik.