Pituffiup eqqaani qinngornerit annertussusaannik uuttortaasoqarnissaa misissuisoqarnerunissaalu Risø DTU-p misissuinerisa ersarissareeraallu taama nalunaartoqarpoq.
- Suliap annertunerusumik misissorneqarnissaa pisariaqartippara. Maluginiarpara sumiiffinni immikkoortuni radioaktivimik mingutsitsisoqarsimaneranik uuttuisoqarsimasoq, tamaanilu uumasut nujuartat radioaktivimik mingutsinneqarsinnaasut, pingaartumik Narsaarsuup eqqaani. Tamanna tunngavigalugu suliami qulakkeerinissaq anguniarlugu Uummannap eqqaani annertunerusumik misissuisoqarnissaa pisariaqarpoq, Anthon Frederiksen allappoq, nangillunilu:
- Suliaq pillugu Naalakkersuisut naalagaaffiullu akornanni suleqatigiinnerup ingerlateqqinneqarnissaa qulakkeerniarlugu Risø DTU-mut saaffiginnippunga,
Anthon Frederiksenip tusagassiutinut nalunaarummini allappoq.
Uumasut misissorneqarnissaat siunertaralugu uumasunik pissusissarinngisaminnik ilusilinnik tamaani innuttaasut tunniussisarnissaannik aaqqissuussisoqareerpoq.