Pituffimmi nutaamik barakkiliortoqassaaq
Suliffeqarfik sanaartornermik sulialik, MT Højgaard Pituffimmi barakimik 54-inut inissialimmik sananissaq pillugu, US Army Corps of Engineersimik isumaqatigiissusioqqammerpoq.
Allattoq Mads Lynge
MT Højgaard Pituffimmi barakimik sanasareerpoq. Sanaartornermi sulisitsisut atuagassiaanni, Byggeriets Dagbladimi tamanna atuarneqarsinnaavoq.
Pituffik umiarsuarnik ukiumut marloriarluni tikinneqartarpoq, qaammatialunnguanilu kisimi sanaartortoqarsinnaalluni.
MT Højgaardip sanaartornissamik isumaqatigiissutaa naapertorlugu, aasaru sanaartorsinnaalernissaq naatsorsuutigaa, illutassalli saviminertassaat Pituffimmut aappaagu aatsaat umiarsuarmik apuuneqarsinnaassangatinneqarput.
Baraki 54-inik inissalik 2014-ip ingerlanerani atorneqalissaaq.