Pituffimmi amerikamiut ullorsiornertik aamma nalliussivaat
Amerikamiut inuiattut ulluat, ullumi juulip ulluisa sisamaanni, amerikamiunit Pituffimmi sakkutooqarfianni nalliussineqarpoq. Nunarsuarmi golf-imi unamminerit avannarlersaat Uummannap qaqqaata qaavani ingerlaneqarput, 20-t 25-t missaanniittut peqataaffigisaannik.
Golfimik unnammisut qulimiguulimmik qaqqap qaanut timmisartuunneqarput.
Pituffimmi sulisut ilaat, Jane Mecklenborg, oqaluttuarpoq, sakkutooqarfimmi ullumikkut pujoqisoq, taamaattorli Uummannap qaqqaata qaani, golf-imik unammiffiusumi, seqinnarissuusoq.
Amerikamiut Pituffimi sulisut amerikamiut inuiattut ullorsiornerannut atatillugu ippassarli ataasinngornerup tungaanut sulinnginneqarput.
Nipilersortartut amerikamiut Amerikamit tikisinneqarsimapput, Pituffimmilu katerisimaartarfiup silataani unnugu nereqatigiinneqassaaq.