Pituffik pillugu misissuisoqartariaqartoq piumasaraa
Pituffiup USA-mit sakkutooqarfittut atorneqarnera Danmarkip qanoq iluanaarutigisartigivaa?
Apeqqut tamanna Atassummeersup Kristian Jeremiassenip paasisaqarfigerusuppaa taamaattumillu tamatuma naalakkersuisunit misissorneqarnissaa piumasaralugu.
- Isumaqarpunga Pituffik pillugu Danmark ammanerullunilu unneqqarinnerusariaqartoq. USA-p Danmarkillu akornanni illersornissaq pillugu nutartikkamik isumaqatigiissutaanni aningaasanut tunngasut paasisaqarfigisariaqarpavut. Taamatuttaaq Pituffiup sakkutooqarfittut Amerikamiunit atorneqarnera Danmarkip qanoq iluanaarutigisartigineraa paasisariaqarparput, Kristian Jeremiassenip apeqquteqaatini ilaatigut taama tunngavilersorpaa.
Kristian Jeremiassenip Pituffiup atorneqarnerata nunatta karsianut siunissami akiliuteqarfigineqartalernissaa isumaliutigeqquaa.
Pituffiup Amerikamiunit sakkutooqarfittut atorneqarnera Danmarkip nunattalu qanoq iluaqutigineraat aamma paaserusuppaa.
